NODAU AC AMCANION

Sicrhau fod pob disgybl yn ddwyieithog erbyn diwedd ei yrfa yn yr ysgol a'i fod yn cael cyfle i ddefnyddio'r Gymraeg o fewn amrywiaeth o sefyllfaoedd.

Cynnig cyfleoedd i'r plant ddysgu trwy brofiadau uniongyrchol a pherthnasol o fewn awyrgylch hapus a chartrefol sy'n hyrwyddo dysgu. Anelir at hyrwyddo dysgu pwrpasol sydd am ddatblygu meddyliau bywiog ac ymchwilgar yn ein plant.

Canolbwyntio ar yr unigolyn a'i ddiddordebau gan sicrhau fod y disgybl yn mwynhau ei addysg, yn cael ei symbylu, yn ymchwilgar, yn ymdrechu i weithio'n annibynol, yn chwilfrydig ac yn hunan ddisgybledig. Anogir y disgyblion i wneud y gorau o'u doniau ac i ddatblygu fel unigolion meddylgar.

Ymestyn pob unigolyn, beth bynnag ei gefndir a'i allu, hyd yr eithaf, trwy ddarparu tasgau gwahaniaethol a fydd yn deillio o'r profiadau dysgu amrywiol. Anogir datblygiad y dychymyg a phwerau rhesymu.

Paratoi pob disgybl i fod yn aelod cyfrifol o'r gymdeithas drwy bwysleisio gwerthoedd megis onestrwydd, dyfalbarhad, dangos parch a
goddefgarwch tuag at eraill, cwrteisi a'i bod yn awyddus i ymdrechu a gwneud eu gorau glas bob amser.

Datblygu hunan-hyder ymhob disgybl ac agwedd bositif tuag at waith. Mae gan bob unigolyn rywbeth pwysig i'w gynnig a'r gallu i ragori o fewn rhyw faes. Rhoddir y cyfle iddynt gael mwynhad a boddhad o wneud tasgau yn dda.

Sicrhau fod pob disgybl yn ymwybodol o'i ran bwysig o fewn yr ysgol, y gymuned a'r amgylchfyd trwy gynnig profiadau iddynt a fydd yn hyrwyddo hyn.

Creu cyswllt agos rhwng yr athrawon a'r rhieni er mwyn atgyfnerthu dysgu'r plant.
Cynnig amrywiaeth o weithgareddau cymdeithasol a fydd yn codi ymwybyddiaeth y plant o'u iaith a'u diwylliant a'r byd o'u cwmpas gan ddatblygu eu sgiliau cymdeithasol a chyfathrebu.

back